Fréttir

Dagana 22.–26. júní var Vísindaskóli unga fólksins haldinn í tólfta sinn við Háskólann á Akureyri. Um er að ræða vikulangan skóla fyrir börn á aldrinum 11–13 ára þar sem þátttakendur fá tækifæri til að kynnast vísindum, rannsóknum og fjölbreyttri starfsemi háskólans.

Vísindafólk Stofnunar Vilhjálms Stefánssonar, þau prófessor Joan Nymand Larsen og dr. Jón Haukur Ingimundarson, tóku á dögunum þátt í fyrsta aðalfundi SustainME verkefnisins (Sjálfbær nýting hafsvæða á norðurslóðum). Fundurinn fór fram á Dönsku veðurstofunni (DMI) í Kaupmannahöfn 17.–18. júní.

Vísindamenn og hagsmunaaðilar vinna saman í ICEBERG verkefninu

Maria Ackrén og Helga Númadóttir hjá Stofnun Vilhjálms Stefánssonar tóku á dögunum þátt í UArctic Congress í Færeyjum ásamt fjölmennum hópi samstarfsfólks frá HA og norðurslóðastofnunum á háskólasvæðinu.

Meistaranemi frá Ítalíu, Marco Lonero, dvaldi frá febrúar til júní á SVS í tengslum við ICEBERG verkefnið.

Stofnun Vilhjálms Stefánssonar fékk nýverið heimsókn frá Hlyni Guðjónssyni, nýjum fulltrúa Íslands í embættismannanefnd Norðurskautsráðsins og tengiliðahópi Stjórnarráðsins um norðurslóðir.

Dagana 28.–29. apríl tók Helga Númadóttir hjá Stofnun Vilhjálms Stefánssonar þátt í tveggja daga vinnustofu fyrir unga rannsakendur (Early Career Researchers) sem haldin var á Moesgaard-safninu rétt fyrir utan Árósir í Danmörku.

Þann 7. maí síðastliðinn fengu Háskólinn á Akureyri og norðurslóðastofnanirnar á háskólasvæðinu góða heimsókn frá sendifulltrúa Grænlands í Reykjavík, Karsten Peter Jensen.

Dr. Romain Chuffart Nansen prófessor við SVS og HA sótti upphafsfund fyrir BiodivTransform fyrir hönd Stofnunar Vilhjálms í Ponta Delgada á Azor Eyjum 21.-30. apríl sl.

Dagana 7.–14. apríl var Joan Nymand Larsen við vettvangsvinnu í Ilulissat við Diskóflóa á Vestur-Grænlandi ásamt tveimur samstarfsfélögum í ILLUQ-sífreraverkefninu.