Aðsetur Norðurlandsdeildar Félags Sameinuðu
þjóðanna
á Íslandi
Stofnun Vilhjálms
Stefánssonar
Borgum við Norðurslóð
600 Akureyri
Sími 460 8980
Bréfasími 460 8989
Fishernet verkefnið
Trossan
Stofnun Vilhjálms Stefánssonar tekur þátt í Evrópuverkefninu Fishernet/Trossan sem er þriggja ára samstarfsverkefni fiskveiðiþjóða í Evrópu.
Verkefnið hófst í september 2008 og miðar að því að varðveita, miðla og nýta menningararf sem tengist sjósókn, umhverfisþekkingu sjómanna og sérstakri menningu fiskveiðisamfélaga. Lykilþátttakendur í verkefninu koma frá Sjálfsstjórnarhéraðinu Galesíu á Spáni sem leiðir verkefnið, Íslandi, Noregi, Orkneyjum við Skotland, Búlgaríu og Kýpur.
Stofnun
Vilhjálms Stefánssonar tekur þátt í verkefninu með áherslu á strand- og
fiskveiðimenningu á Íslandi, Færeyjum og á Grænlandi.
Í samvinnu við fjölmargar stofnanir, söfn og sýningar, fræðimenn, samtök
og áhugafólk sem á einn eða annan hátt sinna þessum veigamikla
menningararfi, er nú hafin vinna að umfangsmiklu gagnasafni. Þar verður
að finna flest það er lýtur að strand- og fiskveiðimenningu þjóðarinnar
að fornu og nýju. Má þar nefna fornminjar við sjávarsíðuna, kynningu á
sjóminjum, vitum og verkefnum sem hafa verið unnin eða eru í vinnslu.
Einnig er ætlunin að safna saman sem mestu af útgefnu efni, ritgerðum,
greinum og fyrirlestrum, og gera lista yfir bækur sem út hafa komið og
fjalla um strand- og fiskveiðimenningu.
Gagnagrunnurinn mun því hafa að geyma í máli og myndum, jafnt efni um sjósókn, hlutverk kvenna og karla í fiskveiðimenningu, umhverfisþekkingu, vita, matarmenningu, tónlist, báta, verbúðarleiki og sjóskrímsli, svo eitthvað sé nefnt. Gagnasafninu er ætlað að auðvelda aðgengi að upplýsingum og kynningu á einum dýrmætasta þætti íslenskrar menningararfleifðar. Hér má sjá hvað komið er inn.
Stofnun Vilhjálms Stefánssonar leggur ríka áherslu á þátttöku og samstarf við sem flesta í nærsamfélaginu, ekki síst grasrótarfrumkvæði þar sem unnið er á skapandi hátt með fiskveiðiarfleiðina og aðstoðað við að kynna og gera arfinn spennandi í augum komandi kynslóða.
Fréttablað FISHERNET (á ensku)
 Nr. 2 - Febrúar 2010 |
 Nr.1 - Október 2009 |
||